Mirza Ghalib

1. har ek baat pe kehte ho
   tum ke ‘too kya hai’ ?
   tumheeN kaho ke yeh andaaz-e-guftgoo kya hai ?
    
2. na shole meiN yeh karishma na barq meiN yeh ada
   koee batao ki woh shoKH-e-tund_KHoo kya hai ?
    
3. yeh rashk hai ki wo hota hai ham_suKHan tumse
   wagarna KHauf-e-bad_aamozi-e-adoo kya hai ?
    
4. chipak raha hai badan par lahoo se pairaahan
   hamaaree jeb ko ab haajat-e-rafoo kya hai ?
    
5. jalaa hai jicm jahaaN dil bhee jal gaya hoga
   kuredate ho jo ab raakh, justjoo kya hai ?
    
6. ragoN meiN dauDte firne ke ham naheeN qaayal
   jab aaNkh hee se na Tapka to fir lahoo kya hai ?
    
7. woh cheez jiske liye hamko ho bahisht azeez
   siwaay baada-e-gul_faam-e-mushkaboo kya hai ?
    
8. piyooN sharaab agar KHum bhee dekh looN do chaar
   yeh sheesha-o-qadah-o-kooza-o-suboo kya hai ?
    
9. rahee na taaqat-e-guftaar, aur agar ho bhee
   to kis ummeed pe kahiye ke aarzoo kya hai ?
    
10. huaa hai shaah ka musaahib, fire hai itaraata
    wagarna shehar meiN ‘GHalib’ kee aabroo kya hai ?
    
     

This book is a fascinating portrait of one of the most popular Urdu and Persian poets, Mirza Asadullah Khan Ghalib (1797-1869)
Very little of Ghalib has previously appeared in English, and that little has circulated almost entirely within India and Pakistan. This volume mainly consists of translations from the Memoir written by his friend and younger contemporary Hali not many years after Ghalib’s death; and of his diary
of the revolt of 1857.